Actores da Civil UAVs Initiative

Xunta de Galicia

A Xunta de Galicia, coa implicación de todas as consellerías, é o promotor e xestor da Civil UAVs Initiative, así como primeiro cliente e validador da tecnoloxía desenvolvida.

Todas as consellerías da Xunta de Galicia  participan como usuarias e codeseñadoras das tecnoloxías e solucións que se desenvolven a través dos diferentes contratos de Compra Pública de Innovación (CPI).

A Axencia Galega de Innovación (GAIN) é o departamento xestor da iniciativa e o IGAPE é organismo cofinanciador de varios dos programas da Civil UAVs Initiative.

Instituto Nacional de Técnica Aeroespacial (INTA), Ministerio de Defensa

O INTA, Organismo Público de Investigación (OPI)  especializado na investigación e o desenvolvemento tecnolóxico nos ámbitos da aeronáutica, o espazo, a hidrodinámica, a seguridade e a defensa, e integrado no Ministerio de Defensa, participa como impulsor da Civil UAVs Initiative.

En colaboración coa Xunta de Galicia, o INTA xestiona o Centro de Investigación Aerotransportada de Rozas (CIAR), é organismo cofinanciador do programa de infraestruturas e actúa como o seu órgano de contratación.

Ministerio de Ciencia e Innovación

O Ministerio de Ciencia e Innovación é o principal financiador dos programas de Infraestruturas e de Solucións . Tamén o Centro para o Desenvolvemento Tecnolóxico e Industrial (CDTI), integrado neste ministerio, colabora e financia a Civil UAVs Initiative.

Ministerio de Fomento – ENAIRE

A empresa pública ENAIRE, principal provedor de servizos de navegación aérea e de información aeronáutica en España, integrada no Ministerio de Fomento, participa como socio no programa conxunto Xunta-Boeing Research and Technology Europe “Galician Skyway”.

Socios privados tecnológicos e industriais

Indra, multinacional española líder no sector aeroespacial; Babcock Mission Critical Services, multinacional británica; e Boeing Research and Technology Europe, división da multinacional norteamericana líder no sector aeroespacial, son socios tecnolóxicos e industriais da Xunta de Galicia na Civil UAVs Initiative, concretándose a súa participación no desenvolvemento dun programa conxunto de I+D por cada compañía.

As tres multinacionais despregaron en Galicia todo o seu potencial estratéxico en alianza con pequenas e medianas empresas locais, centros tecnolóxicos e de investigación e universidades galegas.

Pemes de alta tecnoloxía, Universidades e Centros de coñecemento

Ademais das Administracións e das empresas que desempeñan o papel de tractoras,  a iniciativa conta coa implicación de centros de coñecemento e empresas que reteñen o talento da rexión. Entre eles, as tres universidades galegas e nove centros tecnolóxicos e de investigación.

Participación individualizada por axente nos diferentes programas. (Descargar)

Porcentaxe de participación por tipo de entidade na Civil UAVs Initiative. (Descargar)

Xunta de Galicia
Gobierno de España - Ministerio de ciencia e innovación
Instituto Nacional de técnica aeroespacial
Gobierno de España - Ministerio de Fomento
Gobierno de España - Ministerio de economía y empresa
Fondo europeo de desarrollo regional
Xacobeo 2021
Indra
Boeing
babcock
¡Participa!

Únete á comunidade Civil UAVS Initiative para compartires perspectivas sobre o sector.